ՀԱՄԱՍ-ի քաղբյուրոյի ղեկավարը սպանվել է մոտ 7 կգ կշռող մարտագլխիկով «կարճ հեռահարության արկի» միջոցով։ Այս մասին ասվում է Իսլամական հեղափոխության պահապանների կորպուսի հայտարարության մեջ, փոխանցում է РИА Новости-ն։

Իրանի Իսլամական հեղափոխության պահապանների կորպուսը նաև հայտարարել է, որ «ճիշտ ժամանակին և տեղում» վրեժ կլուծի ՀԱՄԱՍ-ի քաղբյուրոյի ղեկավարի մահվան համար՝ «խիստ պատժով»: Հայտարարության մեջ նշվում է նաև, որ Հանիեի սպանությունը ծրագրել և իրականացրել է Իսրայելը՝ ԱՄՆ աջակցությամբ։