Կիրակի Մեծ Մանչեսթր կոմսության Բոլթոն քաղաքում տեղի են ունեցել բախումներ ծայրահեղ աջ ցուցարարների եւ նրանց հակառակորդների միջեւ, տեղեկացրել է BBC-ն։
Նրա տեղեկացմամբ՝ բախումները տեղի են ունեցել անլեգալ միգրացիայի հետ կապված, որոնք Մեծ Բրիտանիայի շատ քաղաքներում շարունակվում են արդեն մի քանի օր։ Ինչպես գրել է BBC-ն, սկզբում հակամիգրացիոն բողոքների մոտ 300 հակառակորդներ հավաքվել էին Բոլթոնի քաղաքապետարանի առջեւ։ Հեռարձակող կորպորացիայի տվյալներով՝ նրանց մեծ մասը ասիացիներ էին, որոնք դիմակներով էին։ Նրանք սկսել են բղավել «Ալլահ աքբար», իսկ հետո բախվել են հակառակորդների հետ, որոնք հավաքվել էին նույն հրապարակում անգլիական դրոշներով։
Ոստիկանությունը կարողացել է կանխել բախումները, ինչից հետո երկու խմբերը փորձել են նորից հարաբերություններ ճշտել հարեւան փողոցում։ Ոստիկանությունը նորից թույլ չի տվել զանգվածային ծեծկռտուք, բայց հակառակ խմբերի ներկայացուցիչները սկսել են շշեր, աղյուսներ եւ ճայթռուկներ նետել իրար վրա։
The Daily Telegraph թերթը տեղեկացրել է, որ ամբոխը Միդլսբրոյում (Հյուսիսային Յորքշիր) երթ է կազմակերպել՝ բացականչելով ռասիստական կարգախոսներ («Յունիոն Ջեքում» «բլեք» գույն չկա»)։ Այստեղ էլ, ըստ թերթի, ասիացի ցուցարարների խմբերը հարձակվել են սպիտակամորթ տղամարդկանց վրա։ Միդլսբրոյի ոստիկանությունը տեղեկացրել է այն մասին, որ ձերբակալվել է 35 մարդ։
2021թ. մարդահամարի համաձայն՝ Բոլթոնի 241,8 հազար բնակիչների 81,7 տոկոսը ծնվել է Անգլիայում։ Երկրորդ եւ երրորդ տեղերում են Հարավային Ասիայում ծնվածները. 4,2 տոկոս Պակիստանում եւ 2,7 տոկոս՝ Հնդկաստանում։
Բողոքի խոշոր ցույցերը Մեծ Բրիտանիայի շատ քաղաքներում շարունակվում են արդեն մի քանի օր։ Առիթ է հանդիսացել ողբերգությունը Սաութպորտ քաղաքում, որտես հուլիսի 29-ին 17-ամյա Աքսել Ռուդակուբանան դանակով հարձակվել էր մանկական պարային պարապմունքի մասնակիցների վրա։ Գրոհի զոհ են դարձել երեք աղջիկներ, ութ երեխա վիրավորվել է։ Լուրջ վնասվածքեր են ստացել յոգայի ուսուցիչը եւ պարապմունքների անցկացման վայրի մի աշխատակից։ Հարձակվողը ձերբակալվել է։ The Times թերթի տեղեկացմամբ՝ Ռուդակուբանան էթնիկ ռուանդացի է, նրա ընտանիքը Մեծ Բրիտանիա է փախել իր հայրենիքում ցեղասպանության պատճառով։ Այս ֆոնին ցուցարարները բրիտանական իշխանություններին կոչ են արել դադարեցնել չվերահսկվող ներգաղթը թագավորություն։
