Իրանը չի ցանկանում էսկալացիա Մերձավոր Արևելքում, սակայն մտադիր է պատժել Իսրայելին ՀԱՄԱՍ-ի քաղբյուրոյի առաջնորդ Իսմայիլ Հանիեի սպանության համար։ Այս մասին, ըստ իրանական լրատվամիջոցների, ճեպազրույցում հայտարարել է Իրանի ԱԳՆ պաշտոնական ներկայացուցիչ Նասեր Քանանին։
Նա չորեքշաբթի օրը հայտարարեց Իսլամական համագործակցության կազմակերպության արտակարգ նիստի մասին։
«Իրանը գործում է ՄԱԿ-ի կանոնադրության և միջազգային իրավունքի շրջանակներում և լրջորեն է վերաբերվում իր ազգային անվտանգությանն ագրեսորին պատժելու և Սիոնիստական ռեժիմի սադրանքների դեմ զսպող համակարգ ստեղծելու համար և պաշտպանելու է նրա անվտանգությունը»:
Քանանին կրկնել է Թեհրանի դիրքորոշումը. Խանանիի սպանությունը միջազգային իրավունքի և միջազգային հանրության կողմից հարգված քաղաքական նորմերի կոպիտ խախտում է։
Իրանի արտգործնախարարության խոսնակը հավելել է, որ Թեհրանը «չի կարող անտարբեր լինել իր ազգային անվտանգության, իր ընկերների և դաշնակիցների անվտանգության և տարածաշրջանի անվտանգության նկատմամբ»:
