Հնդկաստանը Չինաստանի հետ փաստացի շփման գծի մոտ Արևելյան Լադակհում լայնածավալ զորավարժություններ է սկսել:
զորավարժություններին մասնակցում են Հնդկաստանի զինված ուժերի հյուսիսային հրամանատարության հարվածային բանակի տանկային, հրետանային և հետևակային զորամասերը։ ANI գործակալությունը՝ վկայակոչելով պաշտպանության նախարարությանը գրում է, որ զորավարժությունների նպատակն է զորքերի մեջ ներդնել բարձր լեռնային տեղանքում մարտական գործողությունների նոր հայեցակարգեր՝ ամենաժամանակակից զինատեսակները կիրառմամբ։
Զորավարժություններն անցկացվում են Հնդկաստան-Չինաստան սահմանի երկայնքով շարունակվող լարվածության և սահմանային շրջաններից զորքերը արագ դուրս բերելու երկու երկրների կողմից շարունակվող ջանքերի հետնապատկերում:
Հնդկաստանի և Չինաստանի միջև սահմանազատված սահմանի բացակայությունը Հիմալայներում (այս երկրները բաժանված են փաստացի շփման գծով) տասնամյակներ շարունակ լարվածության աղբյուր է: Պեկինի և Նյու Դելիի հարաբերությունները կտրուկ սրվեցին 2020 թվականի մայիսին, երբ արևելյան Լադակհում սկսվեց առճակատում հնդկական և չինական զորքերի միջև։
Հնդկաստանը Լադակհում տեղակայել է 50 հազար զինվորական և 500 տանկ, Չինաստանն իր հերթին նմանատիպ ռազմական կոնտինգենտներ է տեղակայել այս շրջանում իր սահմանի մոտ։
Ռազմական և դիվանագիտական մակարդակներում մի շարք բանակցություններից հետո Հնդկաստանը և Չինաստանը սահմանի վիճելի տարածքներից սկսեցին զորքերի աստիճանական փոխադարձ դուրսբերումը:
