Հորդանանի, Կատարի և Սաուդյան Արաբիայի կառավարությունները մերժել են Գազայի հատվածում հետպատերազմյան խաղաղապահ առաքելությանը մասնակցելու ԱՄՆ-ի առաջարկը։ Դրա մասին հայտնել է The Times of Israel պարբերականը։
Այս տեղեկությունը հրապարակմանը հաստատել են երկու զրուցակիցներ։ Արաբական աղբյուրը Հորդանանի, Կատարի և Սաուդյան Արաբիայի մերժումը բացատրել է նրանով, որ այս խաղաղապահ առաքելությունն «Իսրայելին պաղեստինցիներից պաշտպանելու» տպավորություն կթողնի:
Միաժամանակ Եգիպտոսն ու ԱՄԷ-ն հաստատել են առաքելությանը մասնակցելու իրենց մտադրությունը, սակայն մի քանի պայման են դրել։ Դրանց թվում է այն պահանջը, որ դա տեղի ունենա «երկու պետություն երկու ժողովուրդների համար» հայեցակարգի շրջանակում, որը մերժում է Իսրայելի վարչապետ Բենիամին Նեթանյահուն։
