Իրանի արտգործնախարարի պաշտոնակատար Ալի Բաղերի Քանին չորեքշաբթի հեռախոսազրույց է ունեցել Սիրիայի արտգործնախարար Ֆեյսալ Միքդադի հետ։ Զրույցի ընթացքում երկուստեք քննարկվել և մտքեր են փոխանակվել Թեհրանում ՀԱՄԱՍ-ի առաջնորդ Իսմայիլ Հանիեի սպանության շուրջ։
Բաղերի Քանին նշել է, որ Իսրայելն իր հանցավոր գործողություններով Արևմտյան Ասիայի տարածաշրջանում՝ Եմենում, Թեհրանում և Բեյրութում դարձել է «անկայունության և անապահովության աղբյուր», - ասել է նա՝ հավելելով, որ ԱՄՆ-ը և որոշ եվրոպական երկրներ անկայունություն են առաջացրել տարածաշրջանում՝ աջակցելով ռեժիմի ահաբեկչական գործողությունները։
Մեկնաբանելով Իրանի մայրաքաղաքում Հանիեի սպանությունից հետո Իսրայելի դեմ օրինական, վճռական և զսպող գործողություններ ձեռնարկելու Իրանի որոշումը՝ նա ասել է, որ Իսլամական Հանրապետությունը Իսրայելի ռեժիմին թույլ չի տա չարաշահել տարածաշրջանի կայունությունն ու անվտանգությունը՝ իր անօրինական նպատակներին և շահերին համապատասխան»:
Իր հերթին, Սիրիայի ԱԳՆ ղեկավարը «կտրականապես դատապարտել է իսրայելցիների ահաբեկչությունը՝ հայտարարելով այդ հարցում իր երկրի անվերապահ աջակցությունն Իրանին»։
