Հայաստանում կաթնամթերքի փաթեթավորման վրա հսկիչ QR կոդեր կկիրառվեն։ ԵԱՏՄ ստանդարտով այդ ապրանքների հետագծելիության փորձնական ծրագիրը հաստատվեց ՀՀ կառավարության այսօրվա նիստում։

Հայաստանում ավելի քան 10 տարի կիրառվում են կպչուն պիտակներ, բայց առանց QR կոդի։ Կպչուն պիտակները թույլ են տալիս նույնականացնել միայն տվյալ արտադրողի կամ խանութի ապրանքի ընդհանուր ծավալը, բայց ոչ յուրաքանչյուր կոնկրետ ապրանքի շրջանառությունը: Մինչդեռ QR կոդերով պիտակները լուծում են այս խնդիրը, հատկապես ապօրինի առևտրի դեմ պայքարի շրջանակում:

QR կոդով պիտակներ պատրաստելու համար ԵԱՏՄ յուրաքանչյուր երկիր ընտրել է իր օպերատորին։ Հայաստանի դեպքում դա «Հեռանկարային տեխնոլոգիաների զարգացման կենտրոն–Հայաստան» ընկերությունն է։