ԲՐԻԿՍ+-ը գրավիչ է Հայաստանի համար նրանով, որ կազմակերպության դերը ստեղծում է ինքը՝ բիզնեսի տրամաբանությունը. ԲՐԻԿՍ երեք երկրներ (Ռուսաստան, ԱՄԷ, Չինաստան) Հայաստանի հետ առեւտրի «առաջատարն» են։ Այս մասին «ԲՐԻԿՍ-ի եւ ՇՀԿ-ի հետ Հայաստանի եւ ԵԱՏՄ-ի համագործակցության նոր հորիզոններ» համաժողովում օգոստոսի 8-ին ասել է Մոսկվայի Լոմոնոսովի անվան պետական համալսարանի տնտեսական ֆակուլտետի ինստիտուցիոն վերլուծության լաբորատորիայի վարիչ Մարինա Շերեշեւան։
Նրա խոսքով՝ ԲՐԻԿՍ-ը ակտիվորեն աշխատում է կառավարման նոր գլոբալ կառույցների, մատակարարումների նոր գլոբալ շղթաների ձեւավորման ուղղությամբ, ուստի կազմակերպությունն առաջարկում է սպառման լայն հնարավորություններ՝ նկատի ունենալով այն, որ ԲՐԻԿՍ երկրներում ապրում է մոլորակի բնակչության ավելի քան 45 տոկոսը։
Նա ավելացրել է, որ Հայաստանը կարող է օգտվել կազմակերպության երկրների տեխնոլոգիական ձեռքբերումներից։ Շերեշեւան նշել է, որ ԲՐԻԿՍ-ի հետ փոփխգործակցությունը չի փակում այլ գործընկերների հետ փոխգործակցության հնարավորությունները։
