Չիբա համալսարանի ճապոնացի գիտնականներն ուսումնասիրել են կլիմայի փոփոխության և մթնոլորտային աերոզոլների արտանետումների միջև կապը: Հետազոտությունը հրապարակվել է Science of the Total Environment (STE) գիտական ամսագրում:
Թիմն օգտագործել է երկարաժամկետ դիտորդական տվյալներ՝ վերլուծելու կլիմայի փոփոխության ազդեցությունը Չինաստանում օդի անդրսահմանային աերոզոլային աղտոտվածության վրա: Գիտնականները նոր չափիչ են մշակել՝ ապագա կլիմայական տատանումները հայտնաբերելու համար՝ դիտարկելով աերոզոլները՝ որպես այդ գործընթացների մարկեր:
Հետազոտության համար ընտրվել է Չինաստանը, քանի որ երկիրը մնում է Արևելյան Ասիայի օդի աղտոտման հիմնական աղբյուրը: ՉԺՀ-ի թիկունքային հատվածը բաց օվկիանոսային տարածք է՝ մարդկային նվազագույն միջամտությամբ, ինչը նպաստավոր է դարձնում օդերևութաբանական փոփոխությունների համար:
Գիտնականները վերլուծել են արբանյակներից ստացված աերոզոլային օպտիկական խորության տվյալների հավաքածուները: Թիմը կարողացավ քանակականորեն գնահատել մթնոլորտում աերոզոլների տեղափոխման զգալի փոփոխությունները: Սեզոնային միտումները ցույց տվեցին, որ աերոզոլային ամպերը շարժվում էին տարբեր հետագծերով, քանի որ կլիման տաքանում էր:
