«Համբուրգ» տարածաշրջանային հրամանատարության հրամանատար, ռազմածովային ուժերի կապիտան Միխաել Գիսը Die Welt-ին տված հարցազրույցում հայտարարել է, որ արդեն 5 տարի հետո Գերմանիան պետք է պատրաստ լինի պատերազմի։
«Գերմանիայում, Սառը պատերազմի ավարտից և Գերմանիայի բաժանումից հետո, մենք, առաջին հերթին, ցանկանում էինք 30 տարի վայելել «խաղաղության դիվիդենտները» և, ինչպես ասում են, «շրջապատել մեզ ընկերներով»։ Գերմանիայում մեր օրերում մենք դեռ հեռու ենք արտաքին վտանգի ընկալումից՝ բոլորովին տարբերվող, օրինակ, Բալթյան երկրների կամ Լեհաստանի մարդկանցից։ Բայց իմ ներքին զինվորական ժամացույցն աշխատում է և ասում է ինձ, որ հինգ տարի հետո մենք պետք է բավականաչափ սոցիալապես կայուն լինենք արտաքին ռազմական սպառնալիքին դիմակայելու համար», - ասել է Գիսը:
Ըստ նրա, ողջ Գերմանիան պետք է պատրաստ լինի պատերազմի։
«Սա կարևորագույն ընդհանուր խնդիր է քաղաքականության, Բունդեսվերի, բիզնեսի և հասարակության համար: Խոսքը վերաբերում է նաև կարևոր ենթակառուցվածքներին, հատկապես Համբուրգում, ինչպես նաև նավահանգստի գործառույթին՝ դաշինքի գործունեության և ՆԱՏՕ-ի աջակցության համար։ Եվրոպայում իր աշխարհագրական դիրքի պատճառով երթուղի է Գերմանիան, երկիր, որի տարածքով ՆԱՏՕ-ի ստորաբաժանումները շարժվում են դեպի արևելյան թևը։ Գերմանական ամենամեծ նավահանգիստը, անշուշտ, որոշակի դերակատարություն կունենա այդ գործում»,- հավելել է Բունդեսվերի բարձրաստիճան պաշտոնյան։
