Իսրայելն արգելել է իր զինծառայողներին մնալ Ադրբեջանում եւ Վրաստանում՝ Իրանի սպառնալիքի հետ կապված։ Այս մասին տեղեկացրել է ՏԱՍՍ-ը՝ հղում կատարելով Իսրայելի Kan պետական հեռուստա- եւ ռադիոընկերությանը։

Բանակի ղեկավարության կարգադրության համաձայն՝ զինվորական ծառայության մեջ գտնվող իսրայելցիները, որոնք ինչ-որ պատճառով այժմ գտնվում են Հարավային Կովկասի այդ երկու հանրապետություններում, պարտավոր են անհապաղ վերադառնալ Իսրայել, տեղեկացրել է Kan-ը։

Նշվել է, որ Վրաստանը եւ Ադրբեջանը գտնվում են Իրանի կողքին, նրանց տարածքում ապրում են իրանցիներ, իսկ Ադրբեջանն իսլամական հանրապետության հետ ունի նաեւ ընդհանուր սահման։