Չինաստանի արտաքին գործերի նախարար Վան Ին իրանական կողմի խնդրանքով հեռախոսազրույց է ունեցել Իրանի արտաքին գործերի նախարարի պաշտոնակատար Ալի Բաղերի Քանիի հետ՝ քննարկելով երկկողմ հարաբերությունները եւ իրավիճակը Մերձավոր Արեւելքում։

Ինչպես տեղեկացրել է «Սինհուան», Վան Ին նշել է, որ Իրանը երկիր է, որը կարեւոր ազդեցություն ունի տարածաշրջանում եւ Չինաստանի համապարփակ ռազմավարական գործընկերն է։

Նա ընդգծել է, որ Չինաստանն անփոփոխ զարգացնում է ռազմավարական հարաբերություններն Իրանի հետ՝ երկարատեւ հեռանկարի հաշվառմամբ։