Չինական Pinduoduo շուկայի և նրա դուստր ձեռնարկության հիմնադիր Քոլին Հուանգը դարձել է Չինաստանի ամենահարուստ մարդը՝ ըստ Bloomberg Billionaires Index-ի, գրում է գործակալությունը։
Հրատարակության տվյալներով՝ Քոլինը զբաղեցրել է 25-րդ տեղը աշխարհի ամենահարուստ մարդկանց ցուցակում։ Նրա կարողությունը, ըստ Forbes Real Time-ի, գնահատվում է 48,6 միլիարդ դոլար։
Նա առաջ է անցել իր հայրենակից Չժոնգ Շանսանից՝ շշալցված ջրի արտադրող Nongfu Spring-ի հիմնադիր և սեփականատեր, ում կարողությունը գնահատվում է 47,4 միլիարդ դոլար՝ 2021 թվականի ապրիլից ի վեր:
2015 թվականին Քոլին Հուանգը հիմնեց Pinduoduo-ն, որը դարձել է Չինաստանում էլեկտրոնային առևտրի ամենահաջող հարթակներից մեկը: Հավելվածը գրավել է սպառողներին խորը զեղչերով և ապրանքների լայն տեսականիով։ Temu գլոբալ հարթակը գործարկվել է 2022 թվականին ԱՄՆ-ում։ Որից հետո այն սկսեց աշխատել այլ երկրներում։
