Ուկրաինայի հետ սահմանին իրավիճակը լիովին վերահսկվում է, БЕЛТА -ին հայտնել է Բելառուսի պետական սահմանային կոմիտեի պաշտոնական ներկայացուցիչ Անտոն Բիչկովսկին։
«Ուկրաինական ուղղությամբ այսօր իրադրությունը լիովին վերահսկելի է։ Սահմանապահները շարունակում են ուժեղացված ռեժիմով ծառայել հարավային սահմաններին»,- ասել է Անտոն Բիչկովսկին։
«Մենք արձանագրել ենք դիվերսիոն և ահաբեկչական գործողությունների մեր երկրի տարածք տեղափոխման աճող ռիսկերը։ Դրա մեջ է մտնում մեր տարածքի ակտիվ հետախուզումն ու Բելառուսի սահմանամերձ շրջաններում տեխնիկայի համար զինամթերքի պահեստներ ներթափանցելու փորձերը։ Բելառուսը ստիպված է արձագանքել դրան՝ ուժեղացնելով սահմանային անվտանգությունը, միաժամանակ ներգրավելով ոչ միայն սահմանապահներին, այլև բանակային ստորաբաժանումներին»,- նշել է Պետական սահմանային կոմիտեի պաշտոնական ներկայացուցիչը։
Ըստ նրա՝ այսօր նկատվում է հարևան Ուկրաինայի զինվորականների կողմից սադրանքների քանակի զգալի նվազում։
«Պետական սահմանի մոտ նոր սադրանքներ կամ դրանց նախադրյալներ չկան»,- հայտարարել է Անտոն Բիչկովսկին։
