Բուլղարիայի իշխանությունները սևծովյան Բուրգաս նավահանգստում առգրավել են մոտ 436 կիլոգրամ հերոին, հայտնել Associated Press-ը՝ վկայակոչելով շրջանի դատախազությանը։
Հերոինը փաթեթավորված էր 434 փաթեթի մեջ՝ թաքնված թրեյլերում գտնվող պաշտոնապես հայտարարագրված բեռի ներսում։ Թմրամիջոցների առաքման արժեքը գնահատվում է 35 միլիոն եվրո։
Associated Press-ը պնդում է, որ թրեյլերը հուլիսի վերջին է հասել Ղրղզստանից վրացական սևծովյան Բաթումի նավահանգիստ ցամաքային ճանապարհով, որտեղից էլ շարժվել է Բուրգաս։
Բուլղարիայից բեռը պետք է մեկներ Հունաստան։ Ենթադրվում է, որ կցասայլը մալուխի տեղադրման սարքավորումներ էր տեղափոխում, նավահանգստում անսովոր երկար մնալու պատճառով կասկածներ է հարուցել, լրագրողներին դրա մասին հայտնել է թմրանյութերի պաշտպանության ծառայության ղեկավար Իվան Սոկոլովը՝ հավելելով, որ ռենտգեն հետազոտությունը թաքնված հերոին է հայտնաբերել:
«Առայժմ ոչ մի ձերբակալություն չի իրականացվել, և այս անդրսահմանային հանցագործության մեջ ներգրավված ոչ մի անձ չի բացահայտվել», - հայտնել է շրջանային դատախազ Գեորգի Չինևը: Բուլղարիայում թմրամիջոցների ապօրինի շրջանառությունը պատժվում է մինչև 20 տարվա ազատազրկմամբ։
