Թուրքիայում ԱՄՆ դեսպան Ջեֆ Ֆլեյքը հայտնել է, որ Անկարան, թերեւս, հավատում է, որ Իսրայելի, Իրանի եւ լիբանանյան «Հեզբոլլահ» շարժման միջեւ լարվածությունը չի վերաճի լայնածավալ պատերազմի, տեղեկացրել է Reuters-ը։
«Նրանք անում են հնարավոր ամեն ինչ, որպեսզի թեժացում թույլ չտան»,- ասել է ամերիկյան դեսպանը Վաշինգտոնի թուրք գործընկերների մասին՝ ավելացնելով, որ նրանք «ավելի վստահ են թվում, քան մենք, այն հարցում, որ թեժացում չի լինի»։
«Մենք մեր բոլոր դաշնակիցներին, որոնք որեւէ կապ ունեն Իրանի հետ, խնդրում ենք համոզել նրանց գնալ դեէսկալացիայի, այդ թվում եւ Թուրքիային»,- ասել է Ֆլեյքը Ստամբուլում լրագրողների հետ կլոր սեղանի ժամանակ։ Նա ավարտում է իր գործունեությունը Թուրքիայում։
