Բանգլադեշի իշխանությունները նախկին վարչապետ Շեյխ Հասինային և այլ պաշտոնյաների մեղադրանք են առաջադրել՝ հուլիսին ուսանողների բողոքի ցույցերի ժամանակ մթերային խանութի սեփականատիրոջ սպանության առնչությամբ, հայտնել է Associated Press-ը՝ վկայակոչելով տեղական իշխանություններին:
Ոմն Ս.Մ. Ամիր Համզա, որը ներկայանում է իբրև մթերային խանութի սեփականատեր Աբու Սաիդի «բարի կամեցող», երեքշաբթի հայց է ներկայացրել Դաքայի քաղաքապետության Ռաջեշ Չոուդհուրիի դատարան:
Համզան հայտնել է, որ Սաիդը սպանվել է հուլիսի 19-ին ուսանողական ապստամբության ժամանակ տեղի ունեցած բախումների ժամանակ, և որ ինքը հայց է ներկայացրել դատարան, քանի որ Սաիդի ընտանիքը չի դիմել արդարադատությանը:
Օգոստոսի 5-ին հրաժարական տված և երկիրը լքած Հասինան վեց այլ անձանց՝ նրանց թվում՝ ներքին գործերի նախկին նախարար Ասադուզաման Խանի, այն ժամանակ իշխող «Ժողովրդական լիգա» կուսակցության գլխավոր քարտուղար Օբայդուլ Քադերը և ոստիկանության բարձրաստիճան պաշտոնյաներ խնդրագրում նշվում են որպես կասկածյալներ:
