Ռուսաստանն Ուկրաինայից դուրս է բերում իր զինված ուժերի մի մասը՝ Կուրսկի շրջանում ուկրաինական զինված ուժերի հարձակման առնչությամբ։ Դրա մասին գրում է The Wall Street Journal-ը՝ հղում անելով ամերիկացի պաշտոնյաներին։

Սա առաջին նշանն է, որ Կիևի ներխուժումը Մոսկվային ստիպում է վերախմբավորել ուժերը, հայտնում է Deutsche Welle-ն։ Ըստ The Wall Street Journal-ի՝ ԱՄՆ-ը դեռ փորձում է հասկանալ այդ քայլի նշանակությունը Ռուսաստանի համար։

Պարբերականի աղբյուրները չեն հայտնել, թե որքան զորք է, ըստ Վաշինգտոնի, հանում Ռուսաստանի Դաշնությունը։

Միևնույն ժամանակ, ԱՄՆ-ի այս գնահատականը ամրապնդում է ուկրաինացի պաշտոնյաների հայտարարությունները, ըստ որոնց ուկրաինական զինված ուժերի անսպասելի ներխուժումը Կուրսկի մարզ շեղել է ռուսական զորքերը Ուկրաինայից, որտեղ Մոսկվայի առավելությունը մարդկային ուժով և տեխնիկայով նրան հնարավորություն է տալիս մի քանի վայրերում առաջխաղացում գրանցել: