Վերջին 24 ժամվա ընթացքում ԱՄՆ կենտրոնական հրամանատարության (USCENTCOM) ուժերը Կարմիր ծովում հաջողությամբ ոչնչացրել են հութիների երկու ռազմանավ։ Դրա մասին հայտնել է CENTCOM-ը։

«Այդ ռազմանավերն ուղղակի սպառնալիք էին Միացյալ Նահանգների և կոալիցիոն ուժերի, ինչպես նաև տարածաշրջանում առևտրային նավերի համար: Իրանի կողմից աջակցվող հութիների այս անխոհեմ և վտանգավոր պահվածքը շարունակում է սպառնալ տարածաշրջանային կայունությանն ու անվտանգությանը», - ասված է հայտարարության մեջ: