Փարիզի զբոսաշրջային ամենահայտնի ու բանուկ վայրերում վերջին շաբաթներին hայտնվել են փոքրիկ պաստառներ, որոնք բնակիչներին, Օլիմպիական խաղերի երկրպագուներին, քաղաքի բազմահազար հյուրերին ու զբոսաշրջիկներին հիշեցնում են, որ Ադրբեջանը շարունակում է ապօրինի պահել 23 հայ պատանդների:
Պաստառներն ամենուր են՝ Լուվրի, Էյֆելյան աշտարակի տարածքում, Սենայի առափնյա հատվածներում, անգամ՝ Ֆրանսիայում Ադրբեջանի դեսպանատան մերձակայքում:
Ակցիայի կազմակերպիչներն այս կերպ ուշադրություն են հրավիրում այն փաստի վրա, որ Ադրբեջանը շարունակում է ապօրինի պահել 23 հայերի, այդ թվում՝ Արցախի նախկին առաջնորդներին:
Հիշեցնենք, որ գրեթե մեկ տարի Ադրբեջանը պատանդ է պահում Արցախի ռազմաքաղաքական ղեկավարությանը: Նրանց ծանր մեղադրանքներ են առաջադրվել, դատավարությունը դեռ չի սկսվել:
