Պակիստանի հարավ-արևմտյան Բելուջիստան նահանգում տեղի ունեցած պայթյունի հետևանքով առնվազն մեկ մարդ զոհվել է, 7-ը՝ վիրավորվել։ Դրա մասին հայտնել է տեղի ոստիկանությունը։
Պայթյունը տեղի է ունեցել Բելուջիստանի մայրաքաղաք Քվետա քաղաքի Լիակվատ Բազար տարածքի մերձակայքի շուկայում, հայտնել է news.cn-ն։
Հեռակառավարման միջոցով ակտիվացված պայթուցիկ սարքը գործի է դրվել այն ժամանակ, երբ մարդիկ գնումներ էին կատարում շուկայից, հայտնել են ոստիկանությունից՝ հավելելով, որ օգտագործվել է առնվազն 0,5 կգ պայթուցիկ:
