Բրոնզե արձանը, որը եղել էր «Տիտանիկի» վրա եւ համարվում էր ընդմիշտ կորած, հայտնաբերվել է վերջերս դեպի խորտակված նավ արշավախմբի ժամանակ, հայտնում է The Independent-ը:

Ուղևորությունը տեղի է ունեցել այս տարի, սակայն RMS Titanic-ը, որին պատկանում են նավի օրինական իրավունքները և միակ ընկերությունն է, որը կարող է վերականգնել արտեֆակտները, չի նշել, թե կոնկրետ երբ է տեղի ունեցել արշավախումբը:

Սա առաջին սուզումն է դեպի «Տիտանիկ» 2023 թվականի հունիսին նմանատիպ արշավախմբի ժամանակ «Տիտան» բատիսկաֆի պայթյունից հետո:

RMS Titanic-ի հետախույզների թիմը հայտնաբերել է Վերսալյան Դիանայի արձանի մանրանկարչական կրկնօրինակը, որը կանգնած էր նավի առաջին կարգի լաունջի բուխարիի վրա: Ենթադրվում է, որ արձանը կորած հունական բրոնզե արձանի պատճենն է, որը ստեղծվել է մ.թ.ա. 325 թվականին:

Տիտանիկի խորտակումը տեղի է ունեցել 1912 թվականի ապրիլի 14-ի լույս 15-ի գիշերը։ Պատճառը այսբերգի հետ բախումն էր։