Գլենդելի նախկին քաղաքապետի հարազատները եւ տեղական պաշտոնյաները նոյեմբերի 30-ին Գլենդելի տրանսպորտային կենտրոնում նոր ցուցանշան են բացել ի պատիվ նախկին քաղաքապետի, ով մահացել էր հոկտեմբերին, հաղորդում է «Glendale News-Press»-ը:
Երկաթուղային Ամտակ եւ Մետրոլինկ կայարանները կրում են «Լարի Զարյանի անվան տրանսպորտային կենտրոն» անունը` ի պատիվ նախկին քաղաքապետի, ով մեծ աշխատանք էր իրականացրել քաղաքի տրանսպորտային խնդիրների լուծման ուղղությամբ:
Զարյանը 16 տարի շարունակ եղել էր Լոս Անջելեսի շրջանի տրանսպորտային խորհրդի անդամ: Մահացել էր այս տարի հոկտեմբերին ` 73 տարեկան հասակում: