Հայ երգիչ Րաֆֆի Պողոսյանը րոպեներ առաջ հաղթանակ է տարել Բուլղարիայում` X-Factor երաժշտական մրցույթում, որն այդ երկրում անցկացվում էր առաջին անգամ:
Բուրգասում բնակվող 18-ամյա Րաֆֆին եզրափակչում հաղթանակ է տարել մրցույթի սենսացիան համարվող 14-ամյա Բոգոմիլի նկատմամբ: Հայ երգիչը ստացել է ձայների 50,6 տոկոսը, իսկ Բոգոմիլ Վասիլեւը` 49,4 տոկոսը:
Եզրափակչում հայ երգիչը մի քանի երգ է կատարել, այդ թվում` Ջեյմս Բրաունի հայտնի It is a Mans World հիթը: Ընդ որում, ինչպես գրում են բուլղարական պարբերականները, հայ երգչի հաղթանակը իսկական շոկ է եղել բոլորի համար:
