Ադրբեջանական Շեքի քաղաքում գործարարը ինքնահրկիզման փորձ է կատարել` բողոքելով իր իրավունքների խախտման դեմ:
«Մարդու իրավունքներին նվիրված հասարակական միավորում» ՀԿ-ի նախագահ Իրադա Ջավադովան հաղորդել է, որ միջադեպի պատճառ են դարձել տեղական շուկայի ղեկավարության կողմից ձեռնարկատերի իրավունքների ոտնահարումը:
Ալովսատ Մութալիմովը, իր վրա բենզին լցնելով, փորձել է ինքնահրկիզվել «Շեքի բազար» ընկերության վարչական շենքի դիմաց, փոխանցում է «ԱՊԱ» գործակալությունը: Հաղորդվում է, որ նա ողջ է մնացել: