նախընտրելի դարձնելՎրացի միլիարդատեր եւ քաղաքական գործիչ Բիձինա Իվանաշվիլիին զրկել են Ռուսաստանի քաղաքացիությունից:
Ինչպես տեղեկացրել է գործարարի մամուլի ծառայությունը, Իվանաշվիլին ինքն է հրաժարվել Ռուսաստանի քաղաքացիությունից` Վրաստանում Շվեյցարիայի դեսպանությանն առընթեր Ռուսաստանի շահերի սեկցիա դիմում ներկայացնելով: Դիմումը ներկայացվել է հոկտեմբերի 17-ին: Այժմ միլիարդատերը դեսպանատնից պաշտոնական փաստաթուղթ է ստացել քաղաքացիության դադարեցման մասին:
«Այս պահին Իվանաշվիլին միայն Ֆրանսիայի քաղաքացի է», - նշել են մամուլի ծառայությունում, հաղորդում է BBC-ն:
Հիշեցնենք, այս տարվա հոկտեմբերին Իվանաշվիլին հայտնել էր կուսակցություն ստեղծելու եւ 2012թ. Վրաստանի խորհրդարանական ընտրություններին մասնակցելու իր մտադրությունների մասին: Բայց արդյունքում պարզվել էր, որ նա զրկվել է Վրաստանի քաղաքացիությունից, քանի որ միաժամանակ Ռուսաստանի եւ Ֆրանսիայի քաղաքացի է: Հայրենիքում քաղաքական պայքարին մասնակցելու համար գործարարը Վրաստանի քաղաքացիությունը վերադարձնելու գործընթաց է սկսել:
