NEWS.am-ի տեղեկություններով ոստիկանույթունում բացահայտել է եւս մեկ աղմկահահարույց հանցագործություն` դեռեւս ապրիլին Ծարավ աղբյուր փողոցում ոստիկանության ներքին զորքերի աշխատավարձ տեղափոխող մեքենայի վրա ավազակային հարձակումը: Մեր տեղեկություններով այն կատարավել է հենց ներքին զորքերի աշխատակցի ցուցումով, որը հարձակման մեջ ներքաշել է նաեւ հորը: Ինչպես հայտնում է մեր աղբյուրը, բերման են ենթարկվել հինգ հոգի, այդ թվում նաեւ ներքին զորքերի հիշյալ աշխատակիցն ու նրա հայրը: Բերման ենթարկվածների թվում են նաեւ եղբայրներ: Ի դեպ հիմնականում երիտասարդներ են 25-ից մինչեւ 30 տարեկան:
Ինչպես ավելի վաղ գրել էր NEWS.am-ը, Երեւանում ապրիլի 27-ին ժամը 14-ի սահմաններում զինված անձինք Ծարավ Աղբյուրի փողոցում ավազակային հարձակում էին իրականացրել ոստիկանության զորքերի աշխատավարձ տեղափոխող ԳԱԶ-24 մակնիշի ավտոմեքենայի վրա, որով տեղափոխվում էր մի զորամասի աշխատավարձ, որը եղել է մոտ 97 միլիոն դրամի չափով: Հանցագործները վթարի իմիտացիա էին ստեղծել` բախվել էին մեքենային , որի հետեւանքով «ԳԱԶ-24-ի» վարորդը վթարի էր ենթարկվել: Հանցագործները փորձել էին զենքի սպառնալիքով հափշտակել գումարով լի պայուսակը, սակայն նրանց չէր հաջողվել: Մեքենայում գտնվող ոստիկանության զորքերի ծառայողը, որը ուղեկցել է գումար տեղափոխող վարորդին, ինքնաձիգը պահել էր նրաց ուղղությամբ, ինչից խուճապահար փախել էին հանցագործները:
