Վրաստանի նախագահ Միխայիլ Սահակաշվիլիի աշխատակազմը հերքել է թբիլիսյան «Ալիա» թերթի տարածած լուրն այն մասին, թե իբր ԱՄՆ կատարած իր վերջին այցի ընթացքում Սահակաշվիլին կռվել է հյուրանոցի հավաքարարի հետ:
Վրաստանի նախագահի մամլո խոսնակ Մանանա Մանջգալաձեն վստահեցրել է, որ «ոչ մի նման բան չի եղել» եւ թերթի տեղեկություններն անվանել է «մատից հոտ քաշած», - տեղեկացնում է «Վզգլյադ» թերթը:
«Ալիա»-ն, հղում անելով իր աղբյուրին, պատմել էր սկանդալի մասին, որը տեղի է ունեցել այն պատճառով, որ հավաքարարը Սահակաշվիլիին իբրեւ նախագահ չի ընկալել: Թերթի վկայությամբ` իրավիճակը հարթելու համար վրացական պատվիրակության անդամները ստիպված են եղել դիմել Վրաստանում ԱՄՆ-ի դեսպան Ջոն Բասի օգնությանը:
Թերթի աղբյուրի տվյալներով` նախքան այդ վրացական պատվիրակությունը խնջույքի է եղել ռեստորանում, «Սահակաշվիլիի պատվին կենացներ ասելով, Վլադիմիր Պուտինին անիծելով եւ ՆԱՏՕ մտնելու հարցը քննարկելով»:
