LocalSin ծանոթությունների կայքը կզբաղվի հավելվածի մշակմամբ մեր մոլորակից դուրս սեր փնտրելու համար: Նոր հավելվածը ազդանշաններ կուղարկի Երկրից այլ մոլորակներ: Ակընկալվում է, որ նրանք կհասնեն Եվրոպա (Յուպիտերի ուղեկցին) եւ Էնցելադային (Սատուրնի ուղեկցին), որոնց վրա, ըստ գիտնականների, կարող է գոյություն ունենալ կյանք:
LocalSin-ի ներկայացուցիչը կարծում է, որ նոր հավելվածը կօգնի բոլոր նրանց, ում փորձերը` գտնել իրենց երկրորդ կեսին Երկրի վրա ձախողվել են: Նրանք կկարողանան շարունակել իրենց որոնումները այլմոլորակների շրջանում, հայտնում է Metro-ն:
Հավելվածը մշակելու համար կպահանջվի 5 տարի: Ընկերությունն արդեն ներգրավել է փորձագետների թիմ, որը սկսել է հետազոտական աշխատանքը:
