Քաթարի էմիր շեյխ Համադ բեն-Խալիֆա Թանին այսօր` հունվարի 14-ին, հայտարարել է Սիրիա զորքեր մտցնելու հնարավորության մասին, որպեսզի կանխվի այդ երկրի նախագահ Բաշար Ասադի ռեժիմի կողմից քաղաքացիական բնակչության շրջանում սպանությունները:
«Այս իրավիճակում սպանությունները կանխելու համար անհրաժեշտ է զորքեր մտցնել»,-ասել է Քաթարի էմիրը CBS-ին տված հարցազրույցում:
Նա առաջինն է արաբական երկրների առաջնորդներից, ով հանդես է գալիս Սիրիա զորքեր մտցնելու օգտին, որտեղ նախորդ տարվա գարնանից սկսած հուզումները չեն դադարում:
Արժե նշել, որ նախքան հուզումների սկսելը, Քաթարի էմիրը Սիրիայի նախագահի գլխավոր կողմանկիցներից մեկն էր, բայց անցած տարի նա դարձել է Ասադի ամենախիստ քննադատը, գրում է Gazeta.ru-ն: