Արցախի հանրապետության նախագահ Բակո Սահակյանը հունվարի 19-ին հրավիրել է աշխատանքային խորհրդակցություն` նվիրված 2012 թվականին շրջաններում իրականացվելիք սոցիալ-տնտեսական ծրագրերին:
ԼՂՀ նախագահի մամուլի գրասենյակից NEWS.am-ին հայտնում են, որ հատուկ ուշադրություն է դարձվել գյուղատնտեսության եւ կապիտալ շինարարության ոլորտներին:
Նախագահը կարեւոր է համարել այս երկու ուղղությունները շրջանների` հատկապես գյուղական բնակավայրերի զարգացման գործում եւ ընդգծել աշխատանքների ճիշտ ու համակարգված իրականացման անհրաժեշտությունը:
Երկրի ղեկավարը կոնկրետ հանձնարարականներ է տվել կառավարությանը եւ շրջվարչակազմերի ղեկավարներին` աշխատանքների պատշաճ իրականացման ուղղությամբ:
Խորհրդակցությանը մասնակցում էին վարչապետ Արա Հարությունյանը, պաշտոնատար այլ անձինք:
