News
Լրահոս
News
Հինգշաբթի
Մարտ 28
Տեսնել լրահոսը

Ֆրանսիայի Սենատի կողմից Ցեղասպանությունների ժխտումը քրեականացնող օրինագծի ընդունումից հետ Թուրքիայի «Գյուղատնտեսական պալատների միության» (TZOB) նախագահ Շամսի Բայրաքթարը հայտարարել է, թե իրենք բոյկոտ են հայտարարում ֆրանսիական բոլոր արտադրանքների վրա։

Թուրքական Star-ի փոխանցմամբ՝  Շամսի Բայրաքթարը նշել է, թե այդ որոշումը քաղաքական նպատակներ է հետապնդում, ինչին ի պատասխան ինքը 5,4 մլն թուրք գյուղատնտեսների անունից խստորեն դատապարտում է ընդունված որոշումը։ «Թուրք գյուղատնտեսներն այսուհետ որեւէ ֆրանսիական արտադրանք չեն օգտագործելու»,-ասել է Շամսի Բայրաքթարը։

Նշենք, որ հունվարի 23-ին մոտ 8 ժամ տեւած լարված քննարկումներից հետո Ֆրանսիայի Սենատը  127 կողմ եւ 86 դեմ ձայներով ընդունեց այդ երկրի կողմից ճանաչված ցեղասպանությունների ժխտումը քրեականացնող օրինագիծը:

Օրենքը ցեղասպանությունների մերժման դեպքում նախատեսում է տուգանք 45 հազար եվրո, եւ մեկ տարի ազատազրկում: Հիշեցնենք, որ Ֆրանսիան օրենքով ճանաչել է երկու ցեղասպանություն՝ Հայոց Ցեղասպանությունն ու Հոլոքոստը:

Հիշեցենք, որ Թուրքիան ավելի վաղ հայտարարել էր, թե օրինագծի ընդունման դեպքում Ֆրանսիայի դեմ մի շարք պատժամիջոցներ է կիրառելու:

!
Այս նյութը հասանելի է նաև   English and Русский
Տպել
Ամենաշատ