Միլանում կայացած թայբոքսի «Յոկայո Էքստրիմ» հեղինակավոր մրցաշարում ռինգ են դուրս եկել թայբոքսի եւ Կ-1-ի (խառը մենամարտեր` մույ թայ, քիքբոքսինգ, կարատե, թաեքվոնդո, սավատ, բռնցքամարտ) լավագույն ներկայացուցիչները: Կ1-ի աշխարհի կրկնակի եւ թայբոքսի միջին քաշային կարգի աշխարհի չեմպիոն, Իտալիան ներկայացնող նախկին երեւանցի Ջիորջիո Պետրոսյանը երեք ռաունդում միավորներով հաղթել է իսպանացի Աբրահամ Ռոկենիին եւ նվաճել է մրցաշարի հաղթողի տիտղոսը:
Հաղթող է դարձել նաեւ Ջիորջիոյի եղբայրը` Արմեն Պետրոսյանը: Նա երկրորդ ռաունդում նոկդաունի է ենթարկել Ֆրանսիայի եռակի չեմպիոն Ջիմ Կուլիբալիին:
