Երեւանում ավարտվեց բռնցքամարտի Հայաստանի առաջնությունը։ Կանանց մրցաշարն ուներ 9 մասնակից։
Չորս քաշային կարգերում չեմպիոն դարձան Քրիստինե Սարգսյանը (51կգ), Լիանա Ղուկասյանը (57 կգ), Եվրոպայի փոխչեմպիոն Արմինե Սինաբյանը (60 կգ) եւ Աշխեն Սիմոնյանը (75 կգ)։ Արմինե Սինաբյանը երրորդ անգամ անընդմեջ նվաճեց տիտղոսը։
Տղամարդկանց առաջնությունում չեմպիոնի տիտղոսը նվաճեցին Կորյուսն Սողոմոնյանը (49 կգ), Ռադիկ Թամոյանը (52 կգ), Արամ Ավագյանը (56 կգ), Վլադիմիր Սարուխանյանը (60 կգ), Արա Պուլուզյանը (64 կգ), Հրայր Մաթեւոսյանը (69 կգ), Լոնդոնի Օլիմպիական խաղերի ուղեգրի տիրակալ Անդրանիկ Հակոբյանը (75 կգ), Արթուր Խաչատրյանը (81 կգ), Ալեքսանդր Կարագյոզյանը (91 կգ) եւ Սերգո Պողոսյանը (+91 կգ)։