Վենեսուելայի Գերագույն դատարանի սահմանադրական պալատը շաբաթ օրը վճռել է, որ փոխնախագահ Դելսի Ռոդրիգեսը պետք է կատարի երկրի նախագահի պարտականությունները Նիկոլաս Մադուրոյի բացակայության պայմաններում, որը ձերբակալվել էր շաբաթ վաղ առավոտյան ամերիկյան զորքերի գործողության ընթացքում, հայտնում է Reuters-ը։

Դատարանի որոշման մեջ նշվում է, որ Ռոդրիգեսը կստանձնի Վենեսուելայի Բոլիվարյան Հանրապետության նախագահի պաշտոնը՝ կառավարման շարունակականությունն ու ազգի համապարփակ պաշտպանությունն ապահովելու համար։

Ըստ որոշման, դատարանը կքննարկի այդ հարցը՝ «պետության շարունակականությունը, կառավարության ղեկավարումը և ինքնիշխանության պաշտպանությունը Հանրապետության նախագահի հարկադիր բացակայության պայմաններում երաշխավորող կիրառելի իրավական դաշտը որոշելու համար»։