Այսօր` փետրվարի 8-ին, ժամը 22:00-ի սահմաններում խոշոր ավտովթար է տեղի ունեցել Վանաձոր-Սպիտակ ավտոճանապարհին:
Միմյանց են բախվել «ՎԱԶ-2105» մակնիշի 45 ՍԼ 856 համարանիշի եւ «ՎԱԶ-2106 մակնիշի 36 ՕՍ 728 համարանիշի ավտոմեքենաները:
Վթարի արդյունքում, «ՎԱԶ-2105»-ի ուղեւորներից մեկը տեղում մահացել է, իսկ մյուսը` մարմնական տարբեր աստիճանի վնասվածքներով տեղափոխվել է Վանաձորի բժշկական կենտրոն:
Հիվանդանոց է տեղափոխվել նաեւ «ՎԱԶ-2106»-ի վարորդը:
Դեպքի վայր են ժամանել Լոռիի ճանապարհային ոստիկանության աշխատակիցները` Վարդան Նարգիզյանի գլխավորությամբ:
Նախնական վարկածով, ավտովթարի պատճառը եղել է մերկասառույցը:
