«Vive La France» նախաձեռնող խումբը Ֆրանսիային եւ ֆրանսիացի ժողովրդին նվիրված երգ կստեղծի` ի նշան Սենատի կողմից Հայոց ցեղասպանության ժխտումը քրեականացնող օրենքի ընդունման: Այդ մասին NEWS.am-ի թղթակցի հետ զրույցում ասել է նախաձեռնող խմբի համակարգող Ռուդիկ Տեր- Գալստյանը:
«Հայաստանի եւ Ֆրանսիայի միջեւ միշտ էլ բարեկամական հարաբերություններ են եղել, սակայն այս անգամ Ֆրանսիան մի քայլ արեց, որի համար ցանկանում ենք շնորհակալություն հայտնել ֆրանսիացի ժողովրդին: Ցանկանում ենք մեր երախտագիտությունը հայտնել «Vive La France» երգով, որը նախագծի մի մասն է: Երգի հեղինակը կոմպոզիտոր Արմեն Մարտիրոսյանն է, այն կատարելու են հայկական էստրադայի աստղերը: Կպատրաստվի նաեւ տեսահալովակ, որը կցուցադրվի ոչ միայն Հայաստանում, այլեւ նրա սահմաններից դուրս»,-ասաց Տեր-Գալստյանը:
Նա նշեց, որ յուրրաքանչյուր ցանկացող կարող է օգնել նախաձեռնող խմբին իր մասնակցությամբ եւ աջակցությամբ:
