Այսօր` փետրվարի 13-ի երեկոյան դժբախտ դեպք է գրանցվել Արարատի մարզի Գետափ գյուղում:
Ոստիկանության հասարակայնության հետ կապերի եւ լրատվության վարչությունից NEWS.am-ին հայտնեցին, որ Արարատի մարզի Գետափ գյուղի բնակիչ, 35-ամյա Ռաֆիկ Ներսիսյանը նախնական տվյալներով իր տան արհեստանոցում դազգահի վրա ձգել է ՏՕԶ տեսակի հրացանի փամփուշտը եւ հետաքրքրության համար հարվածել մուրճով: Փամփուշտը պայթել եւ վնասել է Ներսիսյանին:
Վերջինիս տեղափոխել են Երեւանի «Էրեբունի» բժշկական կենտրոն, սակայն նա մահացել է: Ոստիկանությունը դեպքի կապակցությամբ նյութեր է նախապատրաստում: