Քալիֆորնիայի համալսարանի ուսանող Գեւորգ Մարտիրոսյանը ստորագրահավաք է սկսել` Անահիտ աստվածուհու բրոնզե արձանը Հայաստան վերադարձնելու համար:
Այժմ այն գտնվում է Բրիտանական թանգարանում:
«Շատերը թերահավատորեն են վերաբերում այս նախաձեռնությանը` կարծելով, որ Բրիտանական թանգարանը երբեք չի համոզվի իր հավաքածուից որեւէ բան կորցնել: Բայց Եգիպտոսին հաջողվել է գրեթե 5000 ցուցանմուշներ վերադարձնել, որոնցից 400-ը գտնվում էր բրիտանական թանգարանում», - NEWS.am-ի հետ զրույցում նշել է Գեւորգ Մարտիրոսյանը:
Խնդրագրի տեքստին կարելի է ծանոթանալ ԱՅՍՏԵՂ:
Նշենք, որ Հայաստանում այս խնդրի շուրջ մասնագիտական շրջանակներում նշում են, որ շատ ավելի նախընտրելի է Անահիտ դիցուհու արձանիկը թողնել բրիտանական թանգարանում, սակայն պայքարել, որ այնտեղ նշվի, որ այն հայկական է:
