ԼՂՀ-ում գտնվող Հայաստանի ԱԺ պատվիրակությունը` ԱԺ փոխնախագահ Էդուարդ Շարմազանովի գլխավորությամբ, այսօր` փետրվարի 18-ին, այցելել է ԼՂՀ պաշտպանության բանակի զորամասերից մեկը:
ԱԺ մամուլի ծառայությունից NEWS.am-ին հայտնում են, որ ԱԺ պատվիրակությունը Ղարաբաղում մասնակցել է ԼՂՀ հռչակման 20-ամյակին նվիրված « ԼՂՀ անկախության 20-ամյակը. իրողություններ եւ հեռանկարներ» միջազգային գիտաժողովին:
Պատվիրակության անդամները հանդիպել են զորամասի սպայական եւ զինվորական անձնակազմի հետ, ծանոթացել ծառայության պայմաններին: ԼՂՀ ՊԲ բարձրաստիճան ղեկավարության ուղեկցությամբ ՀՀ ԱԺ պատգամավորների խումբն այցելել է նաեւ պաշտպանական դիրքեր: