Ադրբեջանը շարունակում է խախտել Եվրոպայում սովորական սպառազինությունների սահմանափակման մասին պայմանագիրը: Այդ մասին հայտարարել է ռազմական փորձագետ Արծրուն Հովհաննիսյանը փետրվարի 23-ին կայացած մամուլի ասուլիսում:
Նրա խոսքով, խախտելով պայմանագիրը` ադրբեջանական կողմն անգամ չի թաքցնում դա: Օրինակ, Ադրբեջանը խոսքում է 250 մարտական ինքնաթիռների մասին, երբ պայմանագրով նախատեսված է 100-ը:
«Բայց կա մեկ հարց, որքանով է կենսունակ պայմանագիրը: Շատ երկրներ, այդ թվում` Հայաստանը, դեռ կատարում են պայմանագիրը: Սակայն այն վերանայման կարիք ունի, հատկապես առկա հակամարտությունների համատեքստում»,- նկատել է փորձագետը:
