Հայաստանն ու Ղազախստանը մտադիր են խորացնել համագործակցությունը: Այս մասին, այսօր` փետրվարի 28-ին, լրագրողների հետ հանդիպման ժամանակ հայտարարեց Հայաստանում Ղազախստանի դեսպան Այըմդոս Բոզժիգիթովը:
Նա հայտնեց, որ օրերս հանդիպում է ունեցել Հայաստանի վարչապետ Տիգրան Սարգսյանի հետ, որի ժամանակ քննարկվել են երկկողմ տնտեսական համագործակցությանը վերաբերող հարցեր: Առաջին հերթին խոսքը վերաբերել է տնտեսական համագործակցության միջկառավարական հանձնաժողովի նիստին, որը գործողությունների ուղղությունները կմշակի:
Քննարկված հարցերի շարքում է եղել նաեւ Ղազախստանում հայկական իննովացիոն ծրագրերի իրականացման խնդիրը:
«Պայմանավորվածություն է ձեռք բերվել մշակումների ռեեստր ստեղծելու մասին, որը կներկայացվի ղազախական կողմի քննարկմանը»,- հավելել է դեսպանը:
