Այն, որ Ֆրանսիայի Սահմանադրական խորհուրդը ոչ սահմանադրական ճանաչեց Հայոց ցեղասպանության ժխտումը քրեականացնող օրենքը, դա աշխարհի վերջը չէ: Այս մասին, այսօր` փետրվարի 29-ին, լրագրողների հետ հանդիպման ժամանակ ասաց ՀՅԴ Բյուրոյի Հայ դատի եւ քաղաքական հարցերի պատասխանատու Կիրո Մանոյանը (ֆոտոռեպորտաժ):
Նրա խոսքով, այս ռաունդում հաղթեցին թուրքական ճնշումներն ու սպառնալիքը, ինչ-որ առումով նաեւ կաշառքները, ինչը պատիվ չի բերում Ֆրանսիային:
Ըստ Մանոյանի, Ֆրանսիայի հայ համայնքն արդեն հայտարարել է, որ սրանով ամեն բան չի ավարտվում, քանի որ նոր թափով կսկսեն աշխատանքները, որ ճանաչվի ցեղասպանության ժխտումը քրեականացնող օրինագիծը:
Լուսանկարները` Սոնա Բարսեղյանի
