Մադագասկարին պատուհասած «Իրինա» աղետալի փոթորկի զոհ է դարձել 65 մարդ:

Ամենից շատ տուժել է կղզու արեւելյան ափը, որտեղ քամու արագությունը գերազանցել է 200 կմ/ժ-ը: Փոթորկի պատճառով ավելի քան  70 հազար բնակիչներ ստիպված են եղել հեռանալ տներից:

Փոթորիկը հասել է նաեւ մայրցամաքային Աֆրիկայի հարավ-արեւելք: Մեկ մարդ զոհվել է Մոզամբիկում, իսկ ՀԱՀ-ի Դուրբան քաղաքում փակվել են լողափերը, նավերին արգելել են լքել տեղի նավահանգիստը:

Մադագասկարում ցիկլոնային տարեշրջանը սովորաբար սկսվում է նոյեմբերին եւ ավարտվում փետրվարին:  2012թ. փետրվարին կղզուն վրա հասած   «Ջովաննա» տրոպիկական ցիկլոնի հետեւանքով 35  մարդ զոհվել, հարյուրավորները վնասվածք էին ստացել, հիշեցնում է Lenta.ru-ն: