Թերթը գրում է. « Ինչպես արդեն գրել էինք, մեր տեղեկություններով` ՀՀԿ-ում լրջորեն մտածում են Հերմինե Նաղդալյանին փոխարինող գտնելու մասին, սակայն չէինք բացառել, որ այս ընթացքում նա կարողանա լիովին օգտագործել կանացի իր հնարամտությունն ու նորից ընդգրկվել ցուցակում: Երեկ մեզ հայտնի դարձավ, որ ցուցակում լինելու Նաղդալյանի «դաբրոն» արդեն տրված է: Նա այս անգամ եւս կընդգրկվի ՀՀԿ-ի ցուցակում, չի բացառվում նաեւ, որ կլինի առաջին տասնյակի կին թեկնածուն: Չնայած նրան, որ նա պարբերաբար հայտնվում է ՀՀԿ-ին եւ վերեւներին ոչ այնքան հաճելի պատմությունների մեջ, բայց հնարամտորեն կարողանում է «չոր» դուրս գալ եւ անմեղ ձեւանալ»:
