Քիչ հավանական է, որ Ադրբեջանն, առավել եւս Հայաստանը, մասնակցեն Իրանին վնասող քայլերին: Նման կարծիք է հայտնել քաղաքագետ Սերգեյ Մինասյանն, այսօր` մարտի 14-ին կայացած ասուլիսում:
«Հայաստանը չի ուզում, իսկ Ադրբեջանը շատ է վախենում», - մեկնաբանել է փորձագետը: Ինչ վերաբերում է տվյալ հարցում Վրաստանի դիրքորոշմանը, ապա քաղաքագետը հիշեցրել է, որ աշխարհագրական դիրքի պատճառով առանց Հայաստանի, Ադրբեջանի, Թուրքիայի մասնակցության Վրաստանի դերը նվազագույնի է հասցվել: Այլ բան է քաղաքական մասնակցությունը, նշել է Սերգեյ Մինասյանը:
Այդ առումով Վրաստանը կարող է նպաստել հակաիրանական ինչ-որ քայլերի: «Սակայն չեմ կարծում, որ դա կարող է լինել ռազմական մակարդակում: Առավել եւս, որ Իրանին հարվածելու վերջնական որոշում չկա», - նշել է փորձագետը:
