Լիբիայի մայրաքաղաք Տրիպոլիի փողոցներում ընդհարումներ են տեղի ունեցել: Կան զոհեր և վիրավորներ:Ինչպես հաղորդում է Вести.Ru-ն` վկայակոչելով Al Arabiya-ին, ընդհարումների մասնակիցերի մասին հստակ տեղեկատվություն չկա:
Որոշ տվյալներով, ժամը 17:00-ին փոխհրաձգությունը դեռ շարունակվում էր, երկու մարդ զոհվել է, տասնյակներ` վիրավորվել:Հիմնական մարտերը տեղի են ունենում Բու Սալիմի շրջանում:
NEWSru.com-ի տվյալներով, մարտերն ընթանում են այդ շրջանի բնակիչների և «Զինթան» զինված խմբավորման միջև: Տեղացիները կողմ են Ջամահիրիային, մինչդեռ զինված խմբավորումը պաշտպանում է նոր իշխանություններին: