Իրանից Հայաստան մեկնող ավտոբուսը վթարի է ենթարկվել Իրանի հյուսիսում` Մառանդ քաղաքի մոտ, կան զոհեր, հաղորդում է իրանական Hayeli.net կայքը:
Ըստ մինչ այժմ հայտնի տեղեկությունների, զոհերի թիվը 3-4 է, վիրավորներինը՝ 10:
Երեւան մեկնող «Դիդար սէյրէ գիթի» ընկերությանը պատկանող ավտոբուսի ուղեւորների մեծամասնությունն իրանցիներ են, նրանց մի մասը՝ մոտ 10 մարդ` հայեր:
Զոհերի ինքնությունը դեռ պարզված չէ: Վթարն, ըստ տարածված հայտարարության, պատահել է ավտոբուսի անիվի պայթյունի հետեւանքով:
Զոհերը տեղափոխվել են հիվանդանոց:
