Վրաստանի Արեւմտյան շրջանում մարտի 21-ին 3,6 մագնիտուդ հզորությամբ երկրաշարժ է տեղի ունեցել: Այդ մասին հայտնում է «Գռուզիա օնլայնը»` հղում անելով Իլիայի անվան պետական համալսարանին կից երկրի հետազոտական գիտությունների ինստիտուտի ներկայացուցիչներին:
Երկրաշարժը գրանցվել է տեղական ժամանակով 13.11-ին, նրա հիպոկենտրոնը գտնվել է Ջվարի քաղաքի մոտ:
Ըստ հաղորդագրության` երկրաշարժի հիպոկենտրոնում տեղի բնակչությունն զգացել է ստորերկրյա ցնցումներ, մարդիկ լքել են տները, աշակերտները դուրս են բերվել դպրոցներից:
Սամեգրելո շրջանը համարվում է սեյսմաակտիվ գոտի: