Երկու թեթեւշարժիչային ինքնաթիռներ մարտի 24-ի առավոտյան վթարի են ենթարկվել ամերիկյան Լոնգմոնթ քաղաքում:
Cessna 172-ը ջախջախվել է տեղի օդանավակայանի մոտ: Երկրորդ ինքնաթիռը, որի մոդելը դեռեւս չի հաջողվել պարզել, վայր է ընկել Լոնգմոնթից 6 մղոն հեռավորության վրա:
Cessna 172-ի կին օդաչուին տեղափոխել են տեղի հիվանդանոց: Նա կարողացել է ինքնաթիռն ուղղել այնպիսի տեղ, ուր մարդ չի եղել, սովորաբար օդանավակայանի մոտի դաշտում բազմաթիվ հանգստացողներ են լինում, որոնք կազմակերպում են պիկնիկներ, հայտնում է Life News-ը:
Երկրորդ ինքնաթիռն ուժեղ հարվածից կտոր-կտոր է եղել, երկու օդաչուներն էլ մահացել են:
Ըստ նախնական վարկածի` վթարի պատճառ է դարձել օդում ինքնաթիռների բախումը: